سياسة الخصوصية

حقوقك في بياناتك

قانون حماية البيانات الشخصية المصري رقم ١٥١ لسنة ٢٠٢٠ بيديكِ حق الاطلاع والتصحيح والمسح. مش محتاجة تكلمينا عشان تستخدمي الحقوق دي — كلها موجودة كأزرار في صفحة حجزك.

في رسالة تأكيد الحجز فيه لينك اسمه «إدارة الحجز». اللينك ده خاص بيكِ، ومنه تقدري:

• تشوفي كل اللي كتبتيه في فورم الحجز — الهدف، الأدوية، الحالات، الأكل، والملاحظات — مقروء ومفكوك التشفير.
• تصححي أي حاجة فيهم طول ما الميعاد لسه ماجاش. بعد ما الجلسة تعدّي بيتقفل التعديل، عشان الملف اللي الدكتورة قرته وقت الجلسة يفضل زي ما هو — ده حماية ليكِ مش عليكِ. لو في غلط بعد كده، كلمينا.
• تمسحي بياناتك الطبية كلها في أي وقت، حتى بعد الجلسة. الحجز نفسه بيفضل — العيادة محتاجاه في سجلاتها وحساباتها — بس كل اللي كتبتيه عن صحتك بيتمسح.

بعد المسح بيفضل: الحجز وميعاده، اسمك ورقم موبايلك، وتاريخ موافقتك. عنوان الـ IP اللي الموافقة اتسجلت منه بيتمسح هو كمان — إنتِ ماديتيهولناش، إحنا اللي سجلناه، ومش من حقنا نحتفظ بيه بعد ما تطلبي المسح. التاريخ لوحده كفاية كدليل.

ضاع منك اللينك؟ كلمينا وهنبعتهولك تاني على نفس الرقم اللي حجزتي بيه.